Marad Bhojpuria, Bharat Ka Beta, Manoj Tiwari Mridul Bhojpuri Lyrics

अरे झुठ ना बखाने जाने ,
ना छुत छात माने जाने ,
अरे माने जाने सबके , ना जाने जी हुजुरिया
धुरिया चढावे जाने ,
पीठ ना देखावे जाने ,
डीठ ना लगावे जाने आन के बहुरिया
आन पर लडावे जाने
जान के ना जान जाने ,
चले के उतान जाने तान के लउरिया
बानि मरदानी जाने ,
चाल मस्तानी जाने ,
होला एक पानी के मरद भोजपुरिया
काट ना कटावे जाने ,
छांट ना छँटावे जाने ,
हाथ ना हिलावे चमकावे ना अंगुरिया
बात ना बनावे बात
साफ साफ बात जाने
पट से निराण ना त भर बाँह चुडिया
हठ मे हमीर वीर
वीर जाने लठ मे जे
बान्ही लट पटकन पटी ले पगरिया
डाँटि के बनल बाटे
माटी के कसल देहि
खाँटी ह जवान हुमचल भोजपुरिया
खाँटी ह जवान हुमचल भोजपुरिया